Marco Polo a Andreis al devente ancje un fumet

Sabide ai 7 tal Centri visitis dal Parc des Dolomitis Furlanis, a Andreis, la APS Màcheri e presente “Marco Polo la via del fumetto”, un incuintri cul dissegnadôr Marco Tabilio, tradot e publicât in France e intai Stâts Unîts, e dopo la presentazion de sô graphic novel, ven a stâi la conte dissegnade “Marco Polo – La via della seta”. Un viaç passant confins no simpri clârs jenfri realtât e finzion, cu la conte cronologjiche des tapis principâls dal viaç di Marco Polo, fat in forme di diari cun dissens e mapis a dute pagjine. La mostre cui dissens dal fumet si podarà visitâ fint ai 7 di Zenâr dal 2025, intai oraris di viertidure dal Centri visitis. (A.I.) – 06.12.2024