Mazzola, une zoie di art langobarde

In ocasion dal decim tierç aniversari de iscrizion dal sît seriâl “I Langobarts in Italie. I lûcs dal podê” inte liste dal patrimoni mondiâl de UNESCO, l’assessorât ae Culture dal Comun di Cividât al à inmaneât une mostre dedicade a Sergio Mazzola, l’artist furlan che al à fat de culture langobarde il centri de sô ativitât artistiche, sedi cu lis sculturis che cu lis zoiis.  Domenie ai 30 la mostre “L’oro dei Longobardi – Sculture e gioielli di Sergio Mazzola” (L’aur dai Langobarts – Sculturis e zoiis di Segio Mazzola) e sarà screade intal Munistîr di Sante Marie in Val. Il Comun al à disponût, pe zornade, une viertidure straordenarie al public dal Munistîr e dal Templut Langobart cun jentrade sore nuie par dut il dì. (A.I.) – 29.06.2024