Vinars ai 22 di Lui si alce il sipari su la 31e edizion di “Mittelfest”, il festival che al puarte in sene teatri, musiche, danze e circ de Mitteleurope e che chest an al è dedicât ai ‘Impreviscj’, il teme sielt dal diretôr artistic Giacomo Pedini. L’apontament a Cividât fin ai 31 di Lui cun 28 progjets artistics che a vegnin di 15 Paîs, cun 20 primis assoludis o nazionâls e 10 produzions/coproduzions, che a metin adun lengaçs diviers. Cul titul ‘Impreviscj’, il festival al cîr di ufrî une ispirazion par lei il presint, restant di ducj e par ducj, cun presits speciâi pai zovins sot dai 26 agns e un ‘progjet par fameis’ . Tancj i artiscj furlans e lis produzions leadis ae nestre tiere, tant che “Pier Paolo Suite” e “Rosada”, dedicâts a Pasolini, e “Maçalizi”. (A.I.) – 20.07.2022
“Mittelfest” al torne a partî tal segn dai ‘impreviscj’
175