Cristina Mattiussi e je la gnove presidente de Associazion Mittelfest e e cjape il puest di Roberto Corciulo. La assemblee vuê e à nomenât il gnûf consei di aministrazion pal trieni 2023-2026 e e à sielt la imprenditore udinese, nassude intal 1977, che e sarà la prime femine presidente inte storie dal festival. Intal rinovât consei di aministrazion, dongje de presidente, il sindic di Cividât Daniela Bernardi (vice), Mauro Di Marco indicât dal Ert, l’ex president Corciulo (indicât de Regjon) e Silvano Chiappo. “O ai voie di dâ continuitât al grant lavôr che al è stât fat di cui che jere prime – a son lis primis peraulis de presidente – e ancje se o ven di un setôr lontan di chel culturâl, o pues meti al servizi di Mittelfest capacitât di gjestion, organizazion e spirt di scuadre”. (A.I.) – 27.04.2023
253
