“Monfalcone Geografie” al fevelarà di amiant e dal Cjars in pericul

Dai 22 ai 26 di Març al torne il festival leterari “Monfalcone Geografie”, il viaç inmagant traviers i paisaçs umans e gjeografics di îr e di vuê. Dopo une edizion di record intal 2022, cun cuasi 5 mil presincis e ancje une version estive, intal 2023 i temis tratâts in citât a saran tancj, ma in particolâr l’amiant e il Cjars, un patrimoni di identitât e tradizion, ma in pericul costant. Dopo la gnove anteprime di miercus al 1n di Març, aes 6 dal dopomisdì intai Museus provinciâi di Gurize cun ospit Andrea Mati, di joibe ai 2 a tachin lis ‘gjeografiis’ intai borcs di Monfalcon.  (A.I.) – 01.03.2023