87
Corot ancje a Pordenon pe muart di Alfredo Castelli, un dai plui grancj mestris dal fumet popolâr talian, creadôr di une vore di storiis e di personaçs jentrâts inte storie. Il gjeni creatîf di Castelli al à inricjît par agnorums la imagjinazion di gjenerazions di letôrs e al à dât forme a moments di no podê dismenteâ inte culture dal fumet. Il PAFF! di Pordenon al à decidût di onorâlu cul acès gratuit, fin ae sierade, ae mostre in cors tal Parco Galvani fint ai 18 di Fevrâr al: “Tutto Alfredo Castelli – dall’Omino Bufo a Martin Mystère”. Il biliet di jentrade par visitâ chês altris mostris li dal PAFF! (la esposizion permanente e “Caneva ride”) al sarà a tarife limitade fint ai 18 di Fevrâr. (A.I.) – 07.02.2024
