Museus vierts pes ‘Zornadis dal patrimoni’

Sabide ai 24 e domenie ai 25 di Setembar i museus statâi a proponin diviersis iniziativis par la plui gruesse e partecipade manifestazion culturâl di Europe, lis Zornadis Europeanis dal Patrimoni. Intes dôs zornadis, intai museus e intai lûcs de culture a saran organizadis visitis vuidadis, viertiduris straordenariis e tantis iniziativis speciâls. Il teme di chest an al è il Patrimoni culturâl sostignibil: une ereditât pal futûr. In regjon, a partecipin i museus statâi di Aquilee e di Cividât, il Museu storic e il Parc dal Cjistiel di Miramare. Sabide a son previodudis ancje viertiduris straordenariis di sere, cun jentrade al presit simbolic di 1 euros. (A.I.) – 22.09.2022