Une edizion di record, chê che si è sierade domenie passade a Udin, pai vincj agns di “vicino/lontano”, dopo di une maratone di 110 avigniments cun plui di 200 protagoniscj talians e forescj. E je stade, soredut, la edizion dal ventenâl di Tiziano Terzani, intai 20 agns de muart dal grant gjornalist e scritôr florentin. L’articolât percors di incuintris, presentazions editoriâls e omaçs si è sierât cun cetante emozion, tal Teatri gnûf “Giovanni da Udine”, cu la consegne dal Premi Terzani a Sally Hayden, gjornaliste e scritore irlandese, de bande dal president de jurie Angela Terzani Staude pal so libri reportage “E la quarta volta siamo annegati” (E la cuarte volte si sin inneâts). (A.I.) – 13.05.2024
Numars di record intal non di Terzani
82