Oficinis “Bertoli”: une storie di industrie e di teritori

Tal Teatri di Padier in vie Piemonte a Udin, joibe ai 18 aes 6 dopomisdì al sarà presentât il libri “Officine Bertoli” di Liliana Cargnelutti e Mariagrazia Santoro, intun incuintri titulât “Padier e lis oficinis Bertoli: storiis di une comunitât”, moderât di Fabiana Dallavalle. Il volum al conte, traviers la analisi di une grande documentazion, il disvilup di une aziende che e à inviât la sô ativitât intal prin Votcent tant che piçul batifier, evolvintsi fint a deventâ daspò de Seconde vuere mondiâl un dai plui impuartants complès industriâi dal Friûl: lis Oficinis “Bertoli”. La lôr storie e je ancje la storie di une famee di imprenditôrs, di aleancis economichis, di sieltis politichis, ma soredut e je la storie dal rapuart di une aziende cul teritori e cu la int dal puest. (A.I.) – 19.02.2025