Pasolini e Ciceri, il leam contât intun libri

La gnove golaine “Pasolini Biblioteche Furlane”, nassude de colaborazion dal Centri Studi Pier Paolo Pasolini e de Societât Filologjiche Furlane, si scree cul volum “Visiti che tu ses ancje furlan”, sottitulât “Luigi Ciceri e Pier Paolo Pasolini: un leam inteletuâl”, che al sarà presentât miercus ai 4 aes 6 sot sere inte sale consiliâr di Palaç Burovich di Zmajevich a Cjasarse.  Scrit di Maura Locantore, esperte di cetancj agns dal pinsîr pasolinian, al rapresente un tassel culminatîf par cjapâ dentri il leam uman e culturâl di Pasolini cun Ciceri, une figure clâf dal panorame culturâl furlan: inteletuâl e dirigjent de Societât Filologjiche Furlane, rafinât critic leterari e promotôr culturâl, pont di riferiment pal poete di Cjasarse ancje tant che editôr. Il volum, dedicât ae memorie di Nico Naldini, al nas di agnorums di ricercjis e de esplorazion di archivis e documents inedits. (A.I.) – 03.12.2024