Pasolini e il teritori analizâts a Cjasarse e a Milan

Il Centri studis “Pier Paolo Pasolini” di Cjasarse al è un dai organizadôrs di un seminari internazionâl sul inteletuâl, intune cul Politecnic di Milan e la Universitât de Sorbonne a Parîs. “Spazio Pasolini” al viodarà la partecipazion di studiôs, ricercjadôrs e professioniscj che a analizaran la figure di Pier Paolo Pasolini e il so leam cui temis de architeture, dal paisaç e dal teritori, analizâts traviers une impostazion interdissiplinâr che e met dongje studis leteraris e pratichis progjetuâls. Al centri, la influence dal paisaç furlan, intes dôs datis dai 28 di Març tal Politecnic e dai 5 di Avrîl tal palaç Burovich, intal paîs di nassite de mari di Pasolini. (A.I.) – 26.03.2025