“Metamorfosi” e je la peraule al centri de vincjesime edizion de rassegne “vicino/lontano”, in program a Udin di martars ai 7 a domenie ai 12 di Mai, cun cualchi apontament in anteprime za tacant de fin de setemane prime. Passe cent i events in program tal cûr de citât e in cualchi edifici storic, cun confronts, incuintris, cunvignis, concierts, mostris, spetacui e proiezions, che a tiraran dentri passe dusinte personalitâts dal mont de sience, de leterature, de art, dal spetacul e de informazion, par resonâ ducj intun, frontant lis tematichis di atualitât dal dì di vuê. La serade pe premiazion dal vincidôr dal premi leterari internazionâl dedicât a Tiziano Terzani e sarà, compagn di ogni an, il moment centrâl de rassegne, sabide ai 11 di Mai tal Teatri gnûf “Giovanni da Udine”. (A.I.) – 15.04.2024
Foto di L. d’Agostino
