Personaçs antîcs innomenâts in mostre

Sabide ai 6 inte glesie di S. Laurinç a S. Vît dal Tiliment e sarà screade la mostre “…per ravvivare la memoria di tanti rari e pellegrini ingegni – Personaggi della storia friulana nella collezione di stampe Deny e Severino Danelon” (…par saborâ la memorie di tancj inzens rârs e pelegrins – Personaçs de storie furlane inte colezion di stampis Deny e Severino Danelon). La racuelte di ritrats a stampe di personaçs furlans innomenâts di Severino e Deny Danelon e je chê plui impuartante dal gjenar di ambit privât inte nestre regjon. La colezion di ritrats e nas de curiositât personâl di Severino Danelon intal dâ une muse ai tancj nons di personaçs che al à cjatât consultant tescj e documents antîcs. (A.I.) – 05.04.2024