Pippo Pollina al “Balducci” al presente un libri e un disc

Joibe ai 23 il cjantautôr palermitan Pippo Pollina al puartarà la sô musiche e al presentarà il so romanç di esordi titulât “L’altro”, aes 6.30 dopomisdì tal Centri “Balducci” di Çuian. Cuntun larc sucès in Austrie, Svuizare e Gjermanie, in plui che in Italie, e cun 24 album fats, miârs di concierts e colaborazions di grant lustri (di Franco Battiato a Nada, dai Inti Illimani a Georges Moustaki), Pippo Pollina al à cjantât “la libertât, il dispresi pes ditaturis, i erois dal antimafie, l’amôr e la amicizie, la bielece e la fraternitât dai popui”. Vuê al è un dai cjantautôrs plui origjinâi de sene europeane, cuntune produzion caraterizade di une predilezion clare pe narazion in musiche. (A.I.) – 22.05.2024