Poesiis premiadis a Cordenons intal non di Renato Appi

Serade di premiazion des composizions rivadis in finâl pe decime seconde edizion dal Premi internazionâl di poesie “Renato Appi”, in program joibe ai 7 aes 8.30 sore sere intal auditorium dal centri culturâl “Aldo Moro” di Cordenons. Il premi al à chest an un valôr speciâl, parcè che al è ancje il centenari de nassite dal inteletuâl no dismenteât. L’apontament al sarà inricjît des incursions dal duet comic I Papu, o sedi Andrea Appi e Ramiro Besa, che a savaran compagnâ il public. La serade e sarà ancje la ocasion par presentâ e distribuî la Antologjie cu la racuelte des poesiis vincidoris e finalistis di cheste edizion dal premi: in dut a ‘ndi jerin rivadis 190 di 72 autôrs, pe plui part de regjon, ma ancje de Italie e dal mont. (A.I.) – 05.09.2023