Pordenon al centri dal dissen par une setemane

La setemane de “Pordenone Design Week” e rive ae decime tierce edizion, di lunis ai 11 a vinars ai 15 di Març. La manifestazion e darà chest an un altri segn concret di cemût che la citât e sedi daûr a rinfuarçâsi tant che centri dal dissen industriâl talian, contribuint a creâ un pôl di atrazion specialistic. Par une setemane si daran adun in citât i atôrs principâi dal sisteme nazionâl e internazionâl di dissen, impegnâts cui students par dâ vite ai progjets che a rispuindin aes esigjencis des impresis dal teritori. L’ospit de cerimonie di scree al è Carlo Castiglioni, il fi di Achille e president de Fondazion “Achille Castiglioni” di Milan. La setemane e larà indevant po dopo cun dôs zornadis di “Lezions in vetrine” e une mostre slargjade intal centri de citât. (A.I.) – 09.03.2024