Pordenon capitâl des caricaturis

Di joibe ai 16 a domenie ai 19, Pordenon e devente capitâl de caricature mondiâl cun “Faces”, il festival internazionâl ospitât dal PAFF! International Museum of Comic Art. A rivaran une cincuantine di caricaturiscj di dut il mont, che a àn sielt Pordenon tant che lûc di contat pe proprie cressite professionâl e artistiche e par formâsi cui artiscj plui grancj a nivel internazionâl, presints a Pordenon par cuatri dîs di lezions pratichis: Tomas Fluharty, Maria Picassó i Piquer, Daniel Stieglitz e Riccardo Mazzoli. Domenie ai 19 a son previodudis sessions di ritrats di regalâ al public, une mostre temporanie e la consegne dal premi ae cariere. (A.I.) – 15.05.2024