“Pordenonelegge” al partirà chest an di Praghe

La anteprime de 23e edizion dal festival Pordenonelegge si fasarà a Praghe, joibe ai 8 di Setembar. E sarà une zornade che e proietarà la rassegne dal libri e dai autôrs intal cûr de atualitât, dongje ancje in maniere fisiche ae Europe feride di chest 2022: parcè che il festival “Pordenonelegge” al vîf tal so timp, lu conte traviers i libris e i autôrs, lu testemonee chest an midiant une spi di forment inte sô imagjin. Une stafete di grandis vôs e jentrarà dopo di Praghe pe zornade de scree, miercus ai 14 di Setembar, che e previôt dialics indreçâts a Triest, Lignan e Pordenon: une schirie di events segnâts di une vision internazionâl e une fuarte atenzion ae atualitât. (A.I.) 24.08.22