Pordenonelegge al puarte la poesie al Salon di Turin

Un cartelon di 19 incuintris fra novitâts editoriâls, apontaments a teme e omaçs a grandis autoris e grancj autôrs tal segn de poesie, cun cuarante vôs dal nestri timp, par contâ tal Salon dal Libri di Turin la gnove stagjon poetiche, i progjets, lis scuviertis, i aprofondiments e dut ce che al fâs poesie in dì di vuê. Di vinars ai 10 a domenie ai 12 di Mai, in trê zornadis penzis di apontaments si concentre “PordenoneleggePoesia”, il cartelon di poesie al trentesim sest Salon dal Libri di Turin, par cure de Fondazion Pordenonelegge.it in colaborazion cu la Regjon autonome Friûl-Vignesie Julie e lis cjasis editoris talianis di poesie. Un program cun cierts dai poetis talians plui famôs, progjetât dal diretôr artistic di pordenonelegge Gian Mario Villalta cui curadôrs Alberto Garlini e Valentina Gasparet e il colaboradôr Roberto Cescon. (A.I.) – 09.05.2024