Pordenonelegge al vierç un puint viers l’Est

Si tignarà dai 14 ai 18 di Setembar la 23e edizion di “Pordenonelegge”, la Fieste dal libri che chest an e previôt tant un focus speciâl su autôrs e poetis de Ucraine, che un voli sul mont traviers lis anteprimis e lis novitât di tantis firmis de leterature internazionâl: in dut 400 protagoniscj par plui o mancul 300 events. La anteprime dal festival, joibe ai 8 di Setembar, e sarà a Praghe, intun puint culturâl e leterari fra l’Ocident e l’Est de Europe. La inaugurazion uficiâl, miercus ai 14 di Setembar, e sarà in simultanie tes citâts di Pordenon, Triest e Lignan.