Pordenonelegge: anteprime a Lignan cuntun câs leterari

Pordenonelegge al scjalde i motôrs pe sô vincjesime cuinte edizion, in program dai 18 ai 22 di Setembar cun 340 incuintris in cartelon e plui di 600 protagoniscj, sedi talians che forescj, in 43 sedis diferentis. Dopo l’avigniment di anteprime internazionâl a Praghe tal mês di Jugn, ve la anteprime taliane de Fieste dal libri e de libertât, in program sabide ai 31 a Lignan. Protagonist in dialic cul curadôr dal festival Alberto Garlini, al Centri congrès dal Kursaal, e sarà la scritore Francesca Giannone, il “câs” leterari de stagjon passade cul so romanç storic e di formazion “La portalettere”, che al à passât lis 250 mil copiis vendudis, concuistant il record talian dal 2023. Il so secont romanç “Domani, domani”, jessût in Jugn, al sarà al centri de presentazion di Lignan e nus proietarà intal Salent de fin dai agns Cincuante. (A.I.) – 30.08.2024