‘Pordenonelegge’: une edizion cun 110 mil presincis

Une edizion memorabile par ‘pordenonelegge’, che e à sierât domenie ai 17 e e je za pronte par celebrâ l’an che al ven il cuart di secul, puartant i numars dal 2023: 620 autoris e autôrs talians e internazionâls, par 334 incuintris intune cincuantine di sedis, cun 65 libris in anteprime assolude pal festival. Lis presincis calcoladis a son plui di 110 mil e a jerin confermadis ancje dome cjalant lis lungjis codis di public dilunc des cinc straordenariis dal festival. Cumò si pense za ai avigniments par Timisoara capitâl europeane de culture, vinars ai 20 inte suaze de setemane di culture taliane: une altre tape dal percors di events europeans inviât di pordenonelegge intes ultimis stagjons. (A.I.) – 18.09.2023