Premi ai zovins che a àn savût cambiâ

“E je ore di cambiâ musiche” (in inglês: Time to change your tune) al jere il fîl ros dal concors internazionâl Europe&Youth, promovût ancje chest an dal IRSE, Istitût regjonâl di studis europeans cun sede a Pordenon. Une cassete, icone dal supuart musicâl dal secul passât, e à ilustrât il sens dal concors: la metafore di un cambi dai supuarts tecnologjics e soredut dai stîi di vite che su chei ognidun al à di impegnâsi par un cambiament intal cuotidian, tacant di se stes. I temis dal concors par zovins dai 17 ai 27 agns a spaziavin dal digjitâl ae agriculture sostignibile: la premiazion dai vincidôrs joibe ai 8 aes 6 dal dopomisdì in rêt, sui profîi Instagram e Facebook de IRSE. (A.I.) – 07.06.2023