E je dedicade ai dirits des frutis e dai fruts la prime des trê Zornadis dal Premi gjornalistic internazionâl “Marco Luchetta”. Vinars ai 15 tal Teatri “Miela” di Triest e vignarà screade la mostre “Diario di bordo”, un diari visîf che traviers 18 fotografiis in grant formât al conte lis missions di ricercje e di socors dilunc de rote mediteranie e ae frontiere di Triest. Il gjornalist Riccardo Iacona al condusarà l’apontament di viertidure de vincjesime prime edizion dal Premi, intitulât “Il dirit dai fruts e des frutis ae sperance”. Protagoniscj a saran Daniela Schifani Corfini Luchetta, presidente de Fondazion Luchetta Ota D’Angelo Hrovatin, e, in colegament, Haggai Matar, diretôr dal coletîf +972 Magazine, vincidôr dal Premi speciâl de Fondazion. (A.I.) – 14.11.2024
Foto di R. Aiello
