Premi Maldini, ve chi i finaliscj

Si invie ae sieradure la cuarte edizion dal premi leterari nazionâl talian “Sergio Maldini”, un dai plui prestigjôs pe narative di viaç. L’apontament cu la proclamazion dal vincidôr e la cerimonie di premiazion e je par sabide ai 6, aes 6 dopomisdì a Sante Marize di Vildivar, inte cjase che e da il non al libri dal scritôr “La casa a Nord-Est”, il romanç che al à vinçût il premi Campiello tal 1992. A contindi il premi a saran trê finaliscj, selezionâts tra i 25 libris sometûts al judizi de jurie: Marco Carlone cun “Binario Est” (Bottega Errante), Laura Pariani cun “Selvaggia e aspra e forte” (La Nave di Teseo) e Daniele Ventola cun “Il vento e la seta” (Ediciclo). (A.I.) – 05.07.2024