“Premio Latisana”, ve i trê finaliscj: ai 15 di Avrîl la fieste a teatri

A son stâts anunziâts i trê finaliscj dal trentesim premi internazionâl leterari “Latisana per il Nord-Est”, che e da vôs ae miôr produzion leterarie, ae specificitât, la storie e la anime de aree di confin formade di chest teritori e dai Paîs confinants. A son Drago Jančar cun “E l’amore anche ha bisogno di riposo”, Paolo Malaguti cun “Il moro della cima” e Matteo Melchiorre cun “Il duca”. Ginevra Lamberti cun “Tutti dormono nella valle” e je invezit la vincidore dal premi Coop Allleanza 3.0, sielt da nûf components de jurie dai letôrs, gjavâts a sorte tra lis 44 candidaturis rivadis di dute Italie. Par cognossi il vincidôr dal premi di narative, bisugne spietâ la Sierade: la grande fieste dai 15 di Avrîl al Teatri Odeon di Tisane, che e sarà condote dal regjist e atôr Claudio Moretti. (A.I.) – 07.03.2023