Raimondo D’Aronco al torne a Istanbul

Joibe ai 12 il Comun di Udin al parteciparà ae impuartante cunvigne “Raimondo D’Aronco. Un architetto cosmopolita tra Friuli e Istanbul”, fat dal Istitût Talian di Culture li dal Teatro di Casa d’Italia di Istanbul, in Turchie. Silvia Bianchi, invidade tant che conservadore esperte des Galariis dal Progjet dai museus civics di Udin, e puartarà un contribût impuartant su la ativitât di D’Aronco, nassût a Glemone e calcolât un dai plui impuartants protagoniscj talians de architeture Art Nouveau internazionâl, operatîf achì in Italie, ma ancje e soredut in Turchie dal 1894 ai ultins agns dal Imperi otoman. Tra i esperts invidâts ancje Diana Barillari, storiche de architeture, curadore insiemi cun Silvia Bianchi de mostre su D’Aronco al Cjistiel di Udin che si è davuelte dal Lui dal 2022 fint al Avrîl dal 2023. (A.I.) – 11.10.2023