Scrivi imnis intal non di pre Turoldo

Sabide ai 9 intal Domo di Tresesin si sierarà in maniere uficiâl la tierce edizion dal concors internazionâl di composizion corâl su tescj di David Maria Turoldo, cu la esecuzion dai trê tocs vincidôrs, par cure des corâls Sante Sabide e Euterpe, cul Ensemble InContrà e il cuintet Brassmen. Pe cuarte edizion, la scjadince aes iscrizions e je fissade ai 15 di Otubar. La composizion presentade e à di jessi inedite, mai presentade prime a un altri concors e nancje sunade in public, ispirade a imnis, salms e poesiis dal poete predi di Coder (informazion su: www.centrostuditoroldo.it). (A.I.) – 07.09.2023