Sgarbi a Gurize al fevele dal Nûfcent e de citât

In ocasion de Zornade de Memorie, lunis ai 27 aes 6.30 dopomisdì tal Auditorium de culture furlane, pe rassegne “La scuele e je finide” inmaneade dal Comun di Gurize, Massimiliano Finazzer Flory e Vittorio Sgarbi a discutin dal Nûfcent, di art, dal rapuart tra l’artist e il podê. “Par no dismenteâ, par no dislontanâsi – al conte il regjist e atôr Massimiliano Finazzer Flory – par capî cui che o sin stâts, cemût che o sin stâts e a cuale storie o apartignìn cuant che o fevelìn di Friûl- Vignesie Julie, di Gurize, di Carlo Michelstaedter”. (A.I.) – 26.01.2025