Simposi su pieris a Vergnà: lis sculturis a son prontis

Domenie ai 17 si siere il vincjesim sest Simposi internazionâl di sculture su pieris dal Friûl-Vignesie Julie li dal Parc des sculturis di Vergnà (Reane dal Roiâl), li che si scree la esposizion 2023 cun vot gnovis sculturis. E je ancje une opare in plui: la banchine rosse su marmul ros di Verzegnis, cun parsore un messaç di sperance pal futûr. A vignaran presentadis al public lis oparis realizadis su lis pieris de nestre Regjon dilunc dai disesiet dîs dal simposi, comentadis de comission artistiche formade di Laura Vianello, Francesca Agostinelli e Lucio Tollis. Fin a sabide, al sarà pussibil viodi dal vîf il lavôr dai artiscj di dut il mont che a son daûr a completâ lis propriis creazions artistichis. (A.I.) – 15.09.2023