Sprolungjade la mostre su Pasolini e Dora Bassi

E je stade sprolungjade fint ai 30 di Avrîl la mostre “Pier Paolo Pasolini e Dora Bassi: eredità ai contemporanei”, inmaneade tal pôl culturâl di Cjase Maccari a Gardiscje. La esposizion e nas di un progjet di residencis artistichis condividût tra il Comun e la associazion culturâl IoDeposito, cu la direzion artistiche di Clara Isadora Artico, e e esplore in mût sorprendent la ereditât culturâl che il rapuart tra Dora Bassi e Pasolini a àn lassât sul nestri teritori. Une mostre di art contemporanie che e met in dialic un grup inedit di oparis de scultore e pitore furlane a pene riscuviertis, metudis dongje di interpretazions di cuatri artiscj internazionâi contemporanis. (A.I.) – 19.04.2023