Storiis di campions che a àn cambiât il mont

Scritôr e ex polizai, vincidôr di diviers premis leteraris (ancje il Premi “Italo Calvino”, cun “A viso scoperto”, un romanç sui scuintris tra ultras e polizai dal Repart de Mobile di Gjenue), Riccardo Gazzaniga al à scrit un libri tant impuartant e di sucès su lis discriminazions intal sport. “Abbiamo toccato le stelle. Storie di campioni che hanno cambiato il mondo” (jessût par Rizzoli), vincj ritrats di campions dal sport – oms, feminis, blancs, neris, gay, di nazionalitâts diviersis – al sarà presentât dal autôr in forme di leture cu la atore Carla Manzon, miercus ai 29 a Pordenon, aes 8.30 di matine intal auditorium dal liceu Grigoletti, e aes 11.15 al Teatri Verdi di Manià. (A.I.) – 28.03.2023