Storiis di confin in trê seradis a Cormons

Trê scritôrs par trê visions dal confin, di Gurize al cûr dai Balcans. Si intitule “Storie, terre, confini. Incontri con gli autori” (Storiis, tieris, confins. Incuintris cui autôrs”) la schirie di apontaments in program dai 23 ai 30 di Mai inte Sale civiche dal municipi di Cormons. Il prin al è joibe ai 23 aes 6.30 dopomisdì cul teolic, sagjist, gjornalist e viandant Andrea Bellavite, par presentâ “Gorizia-Nova Gorica, due città in una” (Gurize-Gnove Gurize, dôs citâts intune). Une “vuide ae capitâl europeane de culture” che e presente vot cjaminadis dilunc des viis e des placis, cjatant fats storics e personaçs des dôs citâts, notant detais dispès pôc cognossûts. Lunis ai 27 al torne invezit a Cormons Angelo Floramo, joibe ai 30 la ospite e sarà la antropolighe Giustina Selvelli. (A.I.) – 21.05.2024