Storiis di mont a For

Dopo l’apontament emozionant di domenie passade inte miniere di Rabil, “Vicino/lontano mont”, la rassegne itinerante estive di vicino/lontano dedicade ai temis de mont e dal mont, e fâs tape joibe ai 3 di Avost a For di Sot. Inte Biblioteche comunâl “Nora Tani Vidoni”, aes 5 dopomisdì, al vignarà presentât, cun proiezions e leturis “Dolomiti. Alte vie per l’anima”, l’ultin libri di Cristina Noacco, docente universitarie, viazadore e apassionade di mont, jessût par Gaspari editôr. (A.I.) – 02.08.2023