Su la lune o no? La ‘bufule’ di 50 agns indaûr

Une altre serade li dal cine Visionario cul “Fake News Festival”, la rassegne su lis “bufulis” in program a Udin fin a domenie ai 19. Vinars ai 17 al è in program l’avigniment “Non siamo mai stati sulla Luna” (No sin mai stâts su la Lune): il gjornalist Nicola Angeli al dialogarà cun Adriano Fartade, innomenât divulgadôr sientific che si interesse di astronomie, par analizâ une des bufulis plui famosis de storie. Intal 1974 tai Stâts Unîts al sclope il câs dal imbroi de Lune. Daûr de teorie dal complot, lis missions dal program Apollo a saressin stadis une montadure e la astronâf su la lune dome la ultime opare cinematografiche dal regjist Stanley Kubrick! Dopo cuasi cincuante agns, une des bufulis plui celebris dal ultin secul e je ancjemò in circolazion. (A.I.) – 16.11.2023