20
Al tache di Sante Marie La Lungje domenie ai 26, aes 5 dal dopomisdì te Vile Mauroner, “Oltreconfine Ungaretti”, il progjet culturâl transfrontalîr tra lis comunitâts di lenghe taliane e di lenghe slovene, che al va ator des vicendis umanis e poetichis di Giuseppe Ungaretti. Dopo il sucès e la partecipazion des comunitâts tiradis dentri intai progjets precedents, “Oltreconfine” al conferme la sô vocazion pe creazion di une memorie e di un imagjinari storic, culturâl e paisagjistic condividût. Chest an, cul intindiment di indagâ, racuei e contâ in forme teatrâl la vite e la espression artistiche di Ungaretti intai agns dal 1914 al 1919, si tache des poesiis scritis in Friûl-Vignesie Julie e di là di confin. (A.I.) – 25.01.2025
