Sul front di Cjaurêt, ma sot de aghe

Tierç apontament de rassegne “Storiis scritis su la aghe”, organizade de Sezion di Monfalcon de Leghe Navâl Taliane. Vinars ai 15, il gjornalist e scritôr Pietro Spirito al tratarà il teme “Il fronte dimenticato” (Il front dismenteât), contant vôs e segns de Vuere grande che si cjatin sot aghe, ae fôs dal Lusinç, acompagnât des leturis di Elke Burul. Pûr cence rivâ a grandis profonditâts, i fonts dal nestri golf a scuindin relits, testemoneancis e segns di un passât che al è ancjemò di riscuvierzi. Cun Spirito, che al è ancje un espert subacui, si larà a cognossi un altri tassel dal front sul Lusinç, ae sô fôs, dilunc de Prime vuere mondiâl: lis postazions cumò sot de aghe, ma in ativitât fint al moment de rote di Cjaurêt intal 1917.  (A.I.) – 14.11.2024