261
E je di Mattia Balsamini la foto simbul de 16e edizion dal “Pordenone Docs Fest. Le voci del documentario”, il festival di Cinemazero che ogni an al puarte in citât il miôr dal cine di dut il mont. Intal 2023 la rassegne si tignarà dai 29 di Març ai 2 di Avrîl cuntune novitât: pe prime volte il manifest al presente une imagjin a firme di un artist locâl, ma innomenât tal mont. Un fotograf nassût a Pordenon intal 1987 e partît tant zovin pai Stâts Unîts, che al instrece la dimension internazionâl cun chê locâl inte sô opare e inte sô persone. La foto simbul di Pordenone Docs Fest e je leade a un articolât progjet di ricercje artistiche dedicât al incuinament luminôs e ae “disparizion dal scûr”. (A.I.) – 27.12.2022
