Tal Museu etnografic in mostre ‘la essence des feminis’

Dal prin di Març ai 5 di Mai, il prestigjôs palaç Giacomelli di Udin, sede dal Museu Etnografic dal Friûl, al ospite il progjet espositîf “Sui Generis”, che al met in mostre “la essence des feminis”, nassût de ativitât di scolte e poie aes feminis de associazion IOTUNOIVOI – Centri Antiviolence di Udin, par trasformâ l’impegn cuotidian pe paritât di gjenar intune azion culturâl di grant respîr. Il percors si disvilupe traviers lis oparis di cinc afermadis artistis dal teritori – Laura Leita Francesca Martinelli, Maria Elisabetta Novello, Anna Pontel e Debora Vrizzi – che a instaurin un dialic penç cu la colezion permanente dal museu e a costruissin un puint significatîf tra la tradizion culturâl dal teritori e lis sfidis de contemporaneitât. Intes setemanis che a vegnin, la mostre si inricjìs di un program culturâl che al trasformarà i spazis dal museu intun laboratori di riflession e di dialic sui temis de esposizion. (A.I.) – 28.02.2025