Tantis mostris prime di screâ “vicino/lontano”

Pôcs dîs prime che e tachi la vincjesime edizion dal festival “vicino/lontano”, a Udin dai 7 ai 12 di Mai, al scomence un calendari di anteprimis siôr di avigniments tal segn de art e de fotografie. Si tache vinars ai 3 inte Stamparie di art Albicocco, cu la inaugurazion de mostre di incisions di Giuseppe Zigaina “La metamorfosi tra inchiostri e anatomie” (La metamorfosi tra ingjustris e anatomiis). Sabide ai 4 di Mai, al Make – Spazi espositîf di Udin, si vierç la mostre fotografiche di Fabiana Cioni dedicade a un viaç in Kurdistan intun cu la comunitât ezide. Lunis ai 6 te Galarie fotografiche Tina Modotti si vierç “Ritorno in città”, che e fevele dal avignî dai borcs urbans udinês doprant i progjets dai students dal Cors in Architeture de Universitât dal Friûl. (A.I.) – 02.05.2024