Trê agns cence Claudia Grimaz

Par agns si podeve cjatâle li, dentri de fieste de fin di Istât a Terençan, dongje di cjase sô. Di trê agns, Claudia “Caia” Grimaz no je plui, ma nissun si è dismenteât di jê e ancje chest an al è in program un apontament dedicât ae maraveose vôs che e mancje cussì tant ae musiche e ae culture furlane. Sabide ai 31 di Avost, la fieste si vistirà di poesie e insium cuntun dopli omaç a Caia. Prime la presentazion dal libri (cun dongje doi cd) dut dedicât a jê, “Tutto nuovo 5”, ideât e metût adun dal so om Trinità Germano cuntune schirie di amîs. Po dopo, un conciert inmaneât de associazion di ricercje artistiche “La scuola che non c’è”, cu lis poesiis di amôr di William Shakespeare letis dal atôr Massimo Somaglino e sunâts di Giulia D’Andrea cul Stravinskij Ensemble. (A.I.) – 29.08.2024