Trente agns di poesie cul Grup “Majakovskij”

Un grant apontament par un dai plui impuartants e vecjos grups di poesie furlans. Miercus ai 13 des 8.45 sot sere tal Teatri “Arrigoni” di S. Vît dal Tiliment, il Grup “Majakovskij” al celebrarà i trente agns de sô ativitât tra libris, leturis e amiciziis poetichis. Fondât intal 1993 di Giacomo Vit e formât cumò ancje di Francesco Indrigo, Manuele Morassut, Silvio Ornella e Daniela Turchetto, il grup al dopre il talian, ma soredut lis variantis dal furlan ocidentâl. Intai agns al à publicât diviers volums: “Par li’ zornadis di vint e di malstâ / Per le giornate di vento e di tormento” (2016), “Non ti scrivo da solo” (2017) e “Ten tal cour li’ stradis blancjis” (2023), cun foto di Giovanni Pignat, che al sarà let dal grup vie pe serade. (A.I.) – 12.12.2023