Une fin di setemane speciâl e intal cûr de Cjargne pe prime edizion dal Festival leterari “Tolmezzo Vie dei Libri”, trê dîs dedicâts ai libris e ae mont, ae ricjece e ae molteplicitât di storiis, paisaçs, lûcs, personis e tradizions intun teritori ae crosere gjeografiche e culturâl jenfri planure e mont. Di vinars ai 30 a domenie ai 2 di Lui, in program un cartelon di vôs e di libris, di narazions e testemoneancis, che a contin di atenzion pal ambient e leams dal om cu la mont. Si scomence al teatri Candoni cuntune autore leade ae mont, Ilaria Tuti, si siere cu la alpiniste Nives Meroi. In tal mieç, il gjornalist Lorenzo Cremonesi in colegament de Ucraine, i scritôrs Daniele Zovi, Matteo Melchiorre, Enrico Galiano, l’autôr-alpinist Enrico Camanni, tancj scritôrs furlans e la Banda Osiris, che e trasformarà il so libri di sucès, “Le dolenti note”, intun event senic sul palc. (A.I.) – 28.06.2023
Foto Gurisatti
