Udin capitâl dai studis sul cine ‘ecologjic’

Dai 6 ai 9 di Setembar, tai palaçs Antonini e Caiselli e al Cine Visionario, al torne pe trentesime volte l’apontament anuâl cu la “FilmForum – International Film and Media Studies Conference”. Screade intal 1994 di une idee di Leonardo Quaresima, za professôr di Storie dal cine, la manifestazion e je deventade un dai apontaments di ponte pai professioniscj dal setôr: passe 350 studiôs, artiscj, cineascj, curadôrs e archiviscj di dute Europe e dal Nord Americhe che a rivin a Udin chest an par discuti lis tematichis plui dopradis in ambit cinematografic e audiovisîf. Pal trentesim aniversari, la cunvigne e rinunzie a formulis celebrativis par une sielte ancjemò une volte inedite e sperimentâl: une edizion dedicade al documentari in sens “ecologjic”. (A.I.) – 05.09.2023