Udin e torne citât de vuere cuntune cunvigne su lis tieris di confin

Il storic Mark Kramer, diretôr dal Centri studis su la Vuere Frede de Universitât di Harvard, al scree a Udin la cunvigne internazionâl “Terre di confine: dalla Guerra fredda ai conflitti del nostro tempo”, promovude di Friuli Storia. Il teme al è la storie tant che strument di leture dal nestri timp, la Vuere frede tant che antecedent dai conflits di vuê, in Europe e intal mont. I incuintris, che a son in program ancje a Gurize, une altre citât strategjiche de Vuere Frede, a tachin joibe ai 9 aes 6 dal dopomisdì intal Salon dal Parlament dal Cjistiel di Udin, analizant la part decisive vude dai teritoris di confin. (A.I.) – 08.03.2023