Udin ‘inamorade’ e onore i Giulietta&Romeo furlans

Si intitule “Udine in love” la iniziative inmaneade de International Committee Romeo and Juliet in Friuli-ICRAJF, o sedi la associazion udinese che dal 2020 e met adun i plui grancj studiôs su la vere storie di Giulietta e Romeo in Friûl. Lunis ai 27, des 5.45 dal dopomisdì in Sale Aiace, al è in program un incuintri storic e musicâl, cu la esibizion al plan dal compositôr furlan di innomine internazionâl Sebastian Di Bin. Albino Comelli al spiegarà lis vicendis dal 1511 de nobildone udinese Lucina Savorgnan e il cjapitani visentin Luigi Da Porto, o sedi i “Romeo & Giulietta” deventâts protagoniscj de conte autobiografiche scrite dal stes Da Porto, ricjapade e tornade a usâ di William Shakespeare. Po dopo, la esecuzion in anteprime mondiâl di un pâr di tocs inedits composcj dal pianist Di Bin e dedicâts apont a Lucina e Luigi e ciertis rivisitazions di classics dedicâts a Udin. (A.I.) – 24.02.2023