Ultime lezion di storie tal Teatron

Si invie ae conclusion il cicli des “Lezions di storie” intitulât “La vuere dai ses “ tal Teatri gnûf “Giovanni da Udine”, che di siet agns a viodin sul palc i plui impuartants scritôrs e academics talians. Domenie ai 14, tacant des 11 di matine, ultime lezion dal titul “Penne come armi”, dedicade a Virginia Woolf “e chês altris”, che e viodarà protagoniste Valeria Palumbo. Gjornaliste, storiche des feminis, autore teatrâl e organizadore di avigniments culturâi, nus acompagnarà intal mont de scritore inglese, inteletuâl rivoluzionarie che fra la Prime e la Seconde Vuere Mondiâl e à scancarât i principis dal mont e de vision masculine, pandint i mecanisims dal domini dai oms. (A.I.) – 12.04.2024