Ultimis zornadis pal premi dedicât a Sergio Amidei

Di 43 agns, a Gurize si celebre e si promôf la cognossince dal cine “scrit” dai plui grancj senegjatôrs, di îr e dal dì di vuê, tal segn dal grant produtôr cinematografic e senegjatôr triestin Sergio Amidei. Il Premi internazionâl pe miôr senegjature “Sergio Amidei” al è un palc di proiezions, incuintris, difusion de culture cinematografiche internazionâl cuntune lungje e prestigjose schirie di ospits e zurâts. Fint a miercus ai 17 di Lui a son in program cines, cunvignis, mostris e cetant altri tal Palazzo del Cinema, tal Kinemax, in mediateche e te Arene di place Vittoria. Nûf i tescj in finâl pal concors, trê i autôrs za premiâts: Giuseppe Tornatore, Elisabetta Sgarbi e Isabel Peña. (A.I.) – 16.07.2024