Ultins dîs pe mostre sui agns Cincuante a Gurize

Ultime setemane a Gurize pe mostre “Italia Cinquanta. Moda e design. Nascita di uno stile”, inmaneade dal Erpac Fvg a Palaç Attems Petzenstein. Cuntun numar di visitadôrs che al à aromai ben che passât lis 11 mil presincis, la mostre e proponarà pai ultins dîs di viertidure cualchi avigniment colaterâl. Si scomence vinars ai 25 cuntune visite vuidade ae mostre e la viertidure straordenarie fin aes 10 di sere; sabide ai 26 lis visitis vuidadis cul biliet di jentrade a saran ben siet e intal zardin interni di Palaç Attems Petzenstein e sarà ancje une selezion musicâl tematiche di Dj Alverman. La mostre e siere domenie ai 27 di Avost. (A.I.) – 21.08.2023