Un cine pal domo di Vençon tornât a nassi daspò il taramot

Personis, investigazions, vôs e framents di oparis salvadis tra i rudinaçs dal taramot dal 1976 a contin la ricomposizion dal Domo di Vençon intal cine documentari “Parole di pietra” fat dal museu Tiere Motus. Il documentari al sarà proietât pe prime volte vinars ai 22 aes 8 sot sere inte sale conferencis di palaç Martina, a Vençon. Intune cul regjist Giulio Squarci a intervignaran bonsignôr Roberto Bertossi, plevan di Vençon, e Angelo Floramo, studiôs de culture furlane. A 27 agns de riconsegne intal 1996, il cine documentari al propon une vision dal restaur dal domo traviers lis testemoneancis des personis che a àn contribuît a une ricostruzion complicade. (A.I.) – 21.09.2023